James 2
Hudee hilihili dangada
1Ogu duaahina nei, i di godou hagadonu tadau Dagi madamada go Jesus Christ, goodou hudee dugudugu gee nia daangada i di gili nadau hangaahai. 2Dolomaa taane maluagina dono buulei goolo, e ulu ono gahu humalia, ga ulu mai gi godou baahi i taumaha, ginaua mo taane hagaloale e ulu i nia gahu huaidu, 3Maa goodou ga hagalabagau taane ono goloo humalia, ga helekai gi mee, “Noho i hongo di lohongo humalia deenei,” ga hai gi tangada ono goloo huaidu boloo, “Duu i gono,” be, “Noho gi hongo di baba i baahi ogu wae,” 4malaa, goodou gu ihala i di godou waewae godou mehanga, ga hidi mai di gabunga i nia maanadu huaidu! 5Ogu duaahina hagaaloho nei, goodou hagalongo! God e hilihili digau hagaloale o henuailala bolo gi honu i di hagadonu, gi hai mee gi Tenua dela ne hagababa ang gi digau ala e aloho i deia. 6Gei goodou la gu haga balumee digau ala e hagaloale! Ma koai ala e wanga goodou gi di haingadaa, gi di gowaa hai gabunga? Go digau ala e maluagina! 7Aanei go digau ala e helekai huaidu i di ingoo humalia dela ne gowadu gi goodou. 8Goodou ga hai di mee dela e donu, maa goodou ga hagalongo gi taganoho o tenua o God, dela gu hihi gi lodo di Beebaa Dabu: “Aloho i tangada dela i doo baahi, gi hai be doo aloho i di goe.” a 9Maa goodou ga dugudugu gee nia daangada mai i nia hangaahai digaula, malaa, goodou gu hai di huaidu, gei nnaganoho ga hai bolo goodou digau gu dagadagahi nnaganoho. 10Tangada dela ma ga dagahi dana haganoho e dahi i nia haganoho, geia gu dagahi nia haganoho huogodoo. 11Idimaa, tangada dela ne helekai boloo, “Hudee hai be di manu,” geia ne hai labelaa boloo, “Goe hudee daaligidia tangada gi made.” Maeaha maa goe hagalee hai be di manu, gei goe ne daaligi tangada gi made, malaa, goe tangada gu dagadagahi nnaganoho. b 12Goodou gi helekai ge hai hegau be nia daangada ala ga hagi aga go taganoho dela e haga dagaloaha gidaadou. 13Idimaa, God ga hagalee dumaalia ang gi tangada dela digi dumaalia gi dono ihoo, gei tumaalia la koia e mahi i di hagi aga.Di hagadonu mono hegau
14Ogu duaahina nei, dehee tahidamee o tangada dela e helekai bolo ia dono hagadonu i golo, gei ono hegau ai? E hai behee: tagadilinga hagadonu beenei e mee di haga mouli ia? 15Dolomaa tadau duaahina daane be ahina i golo nadau gahu ai, mo nadau meegai hagalee dohu, 16dehee tadinga o di godou helekai gi mee boloo, “E humalia. God ga hagahumalia laa goe! Gahu ina goe gi mahana, miami!” gei goodou digi wanga gi mee nia hagahumalia a mee? 17Di hagadonu dela deai ono hegau ai, e modongoohia bolo di hagadonu hua e made. 18Dolomaa tangada ga helekai boloo, “Goe doo hagadonu i golo, gei au agu hegau i golo.” Malaa, gei au ga helekai boloo, “Haga modongoohia ina mai gi di au tangada e hagadonu gei ono hegau ai, gei au ga haga modongoohia adu gi di goe dogu hagadonu mai i agu hegau.” 19E hai behee go doo hagadonu: Goe e hagadonu bolo God le e dahi hua? E humalia! Nia hagataalunga huaidu le e hagadonu labelaa beenei, gei e bolebole i nadau mmaadagu i God. 20Goe tangada dadaaulia! Goe e hiihai bolo ma gi haga modongoohia ina adu gi di goe bolo di hagadonu dela ono hegau ai, la dono hadinga ai? 21Tadau damana go Abraham la ne aha ga donu i baahi o God? Mee ne donu i baahi o God mai dana hai dela ne tigidaumaha dana dama daane go Isaac i hongo di gowaa hai tigidaumaha. c 22Goe digi modongoohia? Dono hagadonu mo dono hai hegau ne ngalua ngaadahi, bolo gi dohu ai dono hagadonu mai i ana hegau. 23Deelaa laa, nia helekai di Beebaa Dabu la gu kila aga, ala e helekai boloo, “Abraham la gu hagadonu a God. Idimaa go dono hagadonu, God gu hila gi mee gi donu a mee i dono baahi.” God gu haga ingoo Abraham bolo di hoo hagaaloho ni oono. d 24Goodou gi modongoohia bolo tangada le e -donu i baahi o God mai i ana hegau, hagalee mai i dono hagadonu la hua. 25E hai labelaa be di ahina huaidu go Rahab. Mee ne donu i baahi o God i dana hai dela ne benebene digau hagadina o Israel, ge ne hagau digaula hagammuni i tuai ala. e 26Tuaidina dela dono hagataalunga ai, tuaidina hua e made, gei di hagadonu dela ono hegau ai, di hagadonu hua e made labelaa.
Copyright information for
KPG